მომავლის თასი-2025 დასრულდა!

“მომავლის თასი 2025” მფლობელი “იბერია-1999” გახდა! 

როგორც იცით, ქ. თბილისის ფეხბურთის ფედერაცია ყოველწლიურად ატარებს ივიკო ჭელიძის ხსოვნისადმი მიძღვნილ „მომავლის თასი”-ს გათამაშებას!

წელს ვიხილეთ დაძაბული ორთაბრძოლები 2013 წელს დაბადებულ მოზარდთა შორის! გათამაშებამ სტარტი 30 მაისს აიღო და დასრულდა 3 ივნისს! 

ტურნირს 4 დღის განმავლობაში მასპინძლობდა სპაერის სტადიონი, უღრმეს მადლობას მოვახსენებთ ხელმძღვანელ პირებს გვერდში დგომისთვის! 

დაჯილდოების საზეიმო ცერემონია გაგვილამაზეს ქორეოგრაფიული ანსამბლის “ბასიანი”მოცეკვავეებმა! დიდ მადლობას მოვახსენებთ “ბასიანი”-ს ხელმძღვანელს, ბატონ ირაკლი ცერცვაძეს! 

 ტრადიციულად გამოვავლინეთ ნომინაციებში გამარჯვებულები, რომელთაც პრიზთან ერთად გადაეცათ გიორგი გურჩიანის ფონდიდან ფულადი პრემია:

საუკეთესო მეკარე – გიორგი სანოძე
საუკეთესო მცველი – არსენ მეხნიაკოვი
საუკეთესო შემტევი – ნიკა ფარტენაძე
საუკეთესო მოთამაშე – ტიმოთე დარგუაშვილი

 მებრძოლი გუნდის პრიზი წილად ხვდა თბილისის “სელერო”-ს!
 მესამე საპრიზო ადგილი დაიკავა თბილისის “ლოკომოტივმა”!
 მეორე ადგილი მოიპოვა “ჯუნიორმა”!
 2025 წლის გათამაშების გამარჯვებული კი გახდა “იბერია-1999”!

გუნდები დაჯილდოვდნენ დიპლომით, მედლებით, სპორტული ეკიპირებით და შესაბამისი თასებით!

თფფ დიდ მადლობას მოგახსენებთ მონაწილეობის მიღებისთვის და საინტერესო მატჩების ჩვენებისთვის!