ნ.ახალკაცის სახელობის ფესტივალი დასრულდა!

ქ.თბილისის ფეხბურთის ფედერაციამ კიდევ ერთხელ წარმატებით ჩაატარა საქართველოს ფეხბურთის ფედერაციის პირველი პრეზიდენტის, ნოდარ ახალკაცის სახელობის რიგით მე-16 ფესტივალი!

შეგახსენებთ, რომ გათამაშება მიმდინარეობდა 2014-2015 და 2016 წლებში დაბადებულ მოზარდთა შორის!

ფესტივალმა სტარტი აიღო 28 მაისს და დასრულდა დღეს, 1 ივნისს, ბავშვთა დაცვის საერთაშორისო დღეს!

ფესტივალს უმასპინძლა დინამოს აკადემიამ, რისთვისაც დიდ მადლობას ვუხდით მათ!

ფინალური შეხვედრები მიმდინარეობდა პირდაპირ ეთერში და ასევე დაჯილდოების საზეიმო ცერემონიის ვიდეოს შემოგთავაზებთ მოგვიანებით!

თბილისის ფეხბურთის ფედერაციამ დააჯილდოვა 1/2/3 ადგილზე გასული გუნდები შესაბამისი დიპლომებით, მედლებით და თასებით, ასევე დააწესა დამატებითი პრიზები ნომინანტებისთვის:

საუკეთესო მეკარე
საუკეთესო მცველი
საუკეთესო თავდამსხმელი
საუკეთესო მოთამაშე

2016 წ. დაბადებულებში ფესტივალის გამარჯვებული გახდა :

“დინამოს აკადემია” თბილისი
“შტურმი” სართიჭალა
“დინამოს სკოლა” თბილისი

ფინალური შეხვედრა მეტად დაძაბული აღმოჩნდა, მაგრამ დინამოს აკადემიის ფეხბურთელებმა მალევე მოახერხეს ანგარიშის გახსნა და მეტოქე გუნდი შტურმი დაამარცხეს ანგარიშით 4-0!

2015 წ. დაბადებულებში ფესტივალის გამარჯვებული გახდა:

”დინამოს აკადემია” თბილისი
”ლოკომოტივი” თბილისი
“ვაზისუბანი” თბილისი

გამარჯვებულ გუნდებს აჯილდოვებდნენ ვეტერანი ფეხბურთელები, უდიდეს მადლობას მოვახსენებთ მათ ჩვენთან მობრძანებისთვის და ჩვენი ბავშვების დაფასებისთვის!

2014 წ. დაბადებულებში ფესტივალის გამარჯვებული გახდა:

”ვიკინგები” თბილისი
”გლდანი” თბილისი
“დინამოს აკადემია” თბილისი

ფინალური შეხვედრა გადაიცემოდა პირდაპირ ეთერში და შეგიძლიათ იხილოთ გამარჯვებული გუნდის 5 არაჩვეულებრივი გოლი!

ქ.თბილისის ფეხბურთის ფედერაცია დიდ მადლობას გიხდით თითოეულ გუნდს, მწვრთნელებს, ბავშვებს და მათ მშობლებს მონაწილეობის მიღებისთვის და შესანიშნავი თამაშების ჩვენებისთვის!